Yo‘lovchilardan biri o‘zini yomon his eta boshlaganligi sababli, Nyu-Yorkdan Mumbayga parvoz qilayotgan Boeing Moskva shahrining Domodedovo aeroportiga favqulodda ravishda qo‘ndi. Bu haqda “Interfaks” bergan ma’lumotlarga asosan “Gazeta.ru” xabar qilmoqda.

Manbada xabar qilinishicha, mahalliy vaqt bilan taxminan soat to‘qqizlarda samolyot komandiri bortdagi yo‘lovchilardan biri – 1981-yilda tug‘ilgan Hindiston fuqarosining ahvoli og‘irlashganligini ma’lum qilgan. Yosh yigitni shifoxonaga yuborish maqsadida samolyotni favqulodda ravishda qo‘ndirishga qaror qilindi.

Ta’kidlanishicha, samolyot aeroportga qo‘nguncha yo‘lovchi og‘ir behushtlik holatiga tushib qolganligi sababli shifoxonaning reanimatsiya bo‘limiga yuborilgan.