Madridning “Real” klubi rossiyalik Denis Cherishevga o‘yindan chetlatilgani haqida hech kim ma’lum qilmagani, shu tufayli, Ispaniya Kubogidan diskvalifikatsiya qilinishi adolatsiz bo‘lgani haqida rasmiy bayonot berdi, deb yozadi “Korrespondent.net”.
Turnir qo‘mitasi bosh hakami Cherishev diskvalifikatsiya haqida shaxsan ogohlantirilmaganini tan oldi. “Real” tegishli hukmni O‘rta Yevropa vaqti bo‘yicha 18:17 da qabul qilgan.
Ispaniya futbol federatsiyasi (RFEF) Cherishevni diskvalifikatsiya haqida shaxsan xabardor qilmagan, bu diskvalifikatsiya kuchga kirishi uchun yagona variant hisoblanadi.
“‘Real’ ushbu dalilni ro‘kach qilgan holda, ish klub uchun maqbul tarzda yakun topishi uchun barcha chora-tadbirlarni ko‘radi”, — deyiladi bayonotda.
Eslatib o‘tamiz, avvalroq Madridning “Real” jamoasi Ispaniya Kubogining 2015/16-yilgi mavsumidan chetlatilgani xabar berilgan edi.
“Qirollik klubi”ning turnirdan chetlatilishiga 1/16 finalning “Kadiz”ga qarshi o‘yinida yarim himoyachi Denis Cherishevning maydonga tushgani sabab bo‘ldi. O‘tgan mavsumda rossiyalik futbolchi “Vilyarreal” tarkibida o‘ynab yurganida, sariq kartochkalari to‘planib qolganligi uchun u diskvalifikatsiyasini o‘tashi kerak edi va maydonga tushishi mumkin emas edi.
Izoh (0)