Anqara turk jangovar samolyoti Suriya havo hududiga kirganda Rossiya zenit-raketa kompleksi tomonidan urib tushirilgudek bo‘lsa, buni tajovuz sifatida baholaydi. Bu haqda Turkiya prezidenti Rajab Toyyib Erdo‘g‘on AQShning CNN telekompaniyasiga bergan intervyusida ma’lum qildi, deya xabar beradi “TASS”.
“Turkiya jangovar samolyoti Suriya havo hududini buzgan taqdirda S-400 tizimi tomonidan urib tushirilishiga qanday munosabatda bo‘ladi”, degan savolga Erdo‘g‘on “biz mintaqada vaziyat murakkab tus olishi va bunda ishtirok etishni istamaymiz. Suriya tarafida turib, keskinlik avj olishiga sabab bo‘layotganlar buning uchun javobgarlikni zimmasiga oladi”, deya javob bergan.
“Shunday hodisa sodir bo‘lishi mumkin va bu muhokama etilmaydigan choralar ko‘rishga majbur etadi. Bu bizning suverenitetga egalik huquqimizga nisbatan tajovuz bo‘ladi. Har qanday davlat uchun ushbu huquqning himoya qilinishi tabiiy hol,— deya ta’kidlagan Turkiya prezidenti. — Biz mintaqada voqealar rivojini diqqat bilan kuzatib bormoqdamiz. Ta’bir joiz bo‘lsa, bu poyga ishtirokchisiga aylanishni istamagan bo‘lardik”.
Voqea: Turkiya urib tushirgan Su-24
Izoh (0)