Qozon shahridagi “Sibirskiye nomera” apartamentida rossiyalik tadbirkor Alisher Usmonov oilasi a’zolaridan biri Anton Viner tomonidan ochilgan “Uryuk” o‘zbek restorani mehmonlarni qabul qilishni boshladi. Bu haqda “BIZNES Online” xabar bermoqda.
Anton Viner — Irina Viner-Usmonovaning o‘gli, Alisher Usmonovning esa o‘gay o‘g‘li hisoblanadi.
Qozondagi restoran “Uryuk” restoranlar tarmog‘ining 21-muassasasi hisoblanadi. “Uryuk” restoranlar tarmog‘ining rivojlanish va franchayzing bo‘yicha direktori Sergey Minochkinning aytishicha, loyihani ishga tushirish uchun 117 million rubl sarflangan.
Restoran ochilishi hozircha norasmiy, uning rasmiy ochilishi dekabr oyining o‘rtalarida bo‘lib o‘tadi. Unga Vinerning shaxsan o‘zi tashrif buyurishi kutilmoqda.
Minochkinning so‘zlariga ko‘ra, restoranning umumiy maydoni 720 kvadrat metrni tashkil qiladi va u 200 nafar mehmonni qabul qilishga mo‘ljallangan. Muassasada 50—70 nafar xodim ishlaydi.
Izoh (0)