Pokistonning Lahor shahridagi polietilen paketlar ishlab chiqaruvchi Rajput Plastic Industry fabrikasi binosi qulashi oqibatida halok bo‘lganlar soni 44 kishiga yetdi. Bu haqda “Interfaks” xabar bermoqda.
Mahalliy rasmiylarning aytishicha, vayronalar 40 foizga tozalangan, biroq oradan shuncha vaqt o‘tgach (fojia 4-noyabr kuni sodir bo‘lgan) kimnidir tirik holda topish ehtimoli juda kam. Kuni kecha qutqaruvchilar bino vayronalari ostida 50 soat qolib ketgan o‘g‘il bolani chiqarib oldi.
Eslatib o‘tamiz, oldinroq qurbonlar soni 20 kishidan oshgani ma’lum qilingandi. Korxona binosi qulagan payt unda kamida 150 nafar ishchi bo‘lgan.
Izoh (0)