Rossiya Yamandagi qurolli to‘qnashuvlar imkon qadar tez to‘xtatilishi tarafdori ekanligini ma’lum qildi

Rossiya prezidentining Yaqin Sharq va Afrika mamlakatlari bo‘yicha maxsus vakili, Rossiya tashqi ishlar vaziri o‘rinbosari Mixail Bogdanov Yamanning Rossiyadagi muvaqqat ishlar vakili Hasan Muhammad Ar-Raiy bilan bilan uchrashdi. Bu haqda “RIA Novosti” xabar bermoqda.

“Suhbat davomida Yaman inqirozini tartibga solish mavzusi muhokama qilindi. Bunda Rossiya tomoni Yamandagi qurolli harakatlarni imkon qadar tez to‘xtatish va BMT shafe’ligida Yamandagi barcha muhim siyosiy kuchlar ishtirokida barqaror milliy muloqotni yo‘lga qo‘yish zarurligiga urg‘u berdi”, — deyiladi xabarda.

Yamanda bir tomondan shialarning “Ansorulloh” harakatiga mansub isyonchi-xusiylar va armiyaning sobiq prezident Ali Abdulla Solihga sodiq bo‘linmalari, ikkinchi tomondan isyonchilar tomonidan mamlakat hududidan quvib chiqarilgan va Saudiya Arabistoni boshchiligidagi arab koalitsiyasi kuchlari tomonidan qo‘llab- quvvatlanayotgan Abd Rabbu Mansur Hodiy qo‘shinlari o‘rtasida qurolli mojaro davom etmoqda.