NASA 2014-yil 28-oktabr kuni Uollops orolidagi kosmodromdan uchirilish chog‘ida portlab ketgan Antares eltuvchi raketasining suratlarini e’lon qildi, deb yozadi Meduza.
Hodisa startdan olti soniya o‘tib ro‘y bergan edi. Suratlarda Antares’ning parvozi va kuchli portlashi turli burchaklardan ko‘rsatilgan.
Shuningdek, bir necha kun avval agentlik halokatga AJ-26 dvigateli (Rossiyaning “NK-33” dvigatelining modifikatsiyalangan versiyasi)dagi portlash sabab bo‘lganini ma’lum qilgan edi.
Eslatib o‘tamiz, AQSh Sharqiy sohillari vaqti bilan 28-oktabr kuni 18:22 da (Toshkent vaqti bilan 29-oktabr 3:22 da) Uollops orolidagi kosmodromdan Antares eltuvchi raketasi uchirildi, biroq bir necha soniya o‘tmasdan u portlab ketib, yerga qulab tushdi.
Izoh (0)