Yaponiyaning Toshiba kompaniyasi ichki tekshiruv chog‘ida hisobotlardagi xatoliklar bilan bog‘liq mojaroga yana 30 nafar top-menejer aloqadorligi aniqlanganini ma’lum qildi, deya xabar bermoqda “Vedomosti”.
Toshiba prezidenti Masasi Muromati ular jazolanishini, biroq kompaniya shtatida qolishini aytdi.
Shu yil fevralida Yaponiyaning moliyaviy mutasaddilari bosh vazir Sindzo Abe tomonidan boshlangan korporativ boshqaruvni yaxshilashga qaratilgan sa’y-harakatlar doirasida Toshiba’dan o‘tgan yillarning buxgalterlik ma’lumotlarini so‘ragan. Ularni o‘rganish chog‘ida kompaniya bir necha yil davomida daromadi to‘g‘risida oshirib ko‘rsatilgan raqamlarni keltirgani ma’lum bo‘ldi.
Keyinroq Yaponiyaning Toshiba Corp. korporatsiyasi 2009–2013-yillar uchun 152 milliard iyena (1,2 milliard dollar) operatsion foydasini hujjatlardagi xatoliklar tufayli hisobdan chiqarishi xabar berildi.
Iyulda esa Toshiba kompaniyasining prezidenti Xisao Tanaki hisobotni soxtalashtirish bilan bog‘liq mojarodan so‘ng, iste’foga chiqishini e’lon qildi.
Izoh (0)