Joriy yilning 22-sentabr kuni Alisher Navoiy nomli kino saroyida “O‘zbekkino” Milliy agentligi buyurtmasiga asosan “Ilk-film” kinostudiyasida suratga olingan “Balli, Kamoliddin!” badiiy filmi premerasi bo‘lib o‘tdi. Unda film ijodkorlari, OAV vakillari va tomoshabinlarning keng ommasi ishtirok etdi. Bu haqda “O‘zbekkino” Milliy agentligi matbuot xizmati xabar bermoqda.
Filmda O‘zbekistondagi kichik va o‘rta biznes hamda qishloq xo‘jaligining rivoji, mazkur sohalarda el-yurt ravnaqi, Vatan shuhratini oshirish yo‘lida mehnat qilayotgan tashabbuskor yoshlar va ularga ko‘rsatilayotgan g‘amxo‘rliklar haqida hikoya qilinadi. Shuningdek, kartinada zamonaviy oila muammolari, ota-ona va bolalar o‘rtasidagi munosabatlar, yoshlarning ma’naviy tarbiyasi kabi mavzular ham ko‘tarilgan.
Film bosh rejissori Elyor Hoshimov jurnalistlar savollariga javob berar ekan, jumladan, shunday dedi: – “O‘zbekkino” Milliy agentligi buyurtmasiga asosan suratga olingan mazkur yangi filmda o‘zbek xalqining kuchi, nimalarga qodir ekanligi ko‘rsatib berilgan. Albatta, “Balli, Kamoliddin!” kartinasiga haqiqiy bahoni tomoshabinlar beradi.
Izoh (0)