Lukashenko prezidentlik saylovlarida qatnashish uchun hujjatlarini topshirdi

Belarus prezidenti Aleksandr Lukashenko 5-sentabr, shanba kuni navbatdagi, u uchun beshinchi saylovlarda qatnashishga Markaziy saylov komissiyasiga hujjatlarini topshirdi, deya xabar bermoqda “Korrespondent.net”.

Lukashenkoga davlat rahbari lavozimi uchun uch kishi raqobatchilik qiladi. Bu haqda imzo varaqalarini tekshirib, so‘ng e’lon qilingan natijalar orqali ma’lum bo‘ldi.

Belarus qonunlariga ko‘ra, nomzod kamida 100 mingta ishonchli imzo yig‘ishi kerak, bu topshiriqni to‘rt kishi bajara oldi, bular — Lukashenko (1,75 millionta imzo), kazaklar atamani, Belarus vatanparvarlik partiyasi yetakchisi Nikolay Ulaxovich (150 ming), Liberal-demokratik partiya yetakchisi Sergey Gaydukevich (140 ming) va “Govori pravdu” fuqarolik kampaniyasi aktivisti Tatyana Korotkevich (106 ming) bo‘ldi.