Liberiya hukumati yana mamlakatning Ebola virusidan ozod bo‘lganligini e’lon qildi

Liberiya hukumati 3-sentabr, payshanba kuni mamlakatda Ebola virusining tugatilganligini e’lon qildi. Bu haqda “Knews.kg” xabar beradi.

Shu kabi ma’lumotni Liberiya Sog‘liqni saqlash vazirligi 9-may kuni ham e’lon qilgan edi. Biroq yozda shifokorlar mamlakatda Ebola virusi bilan kasallanganlik holatlarini bir necha marta qayd etdi.

Ebola virusi 2014-yilning fevral oyida G‘arbiy Afrikada avj olgan edi.