Estoniya Rossiya bilan chegarasida devor qurmoqchi

Estoniya Politsiya va chegarani qo‘riqlash departamenti Rossiya bilan quruqlikdagi chegarada devor qurishni rejalashtirmoqda, deb xabar berdi “TASS”.

Balandligi 2,5 metr, uzunligi 108 kilometr bo‘ladigan devorga qo‘shimcha ravishda yovvoyi hayvonlar o‘tmasligi uchun maxsus to‘siqlar ham quriladi. Botqoq hududlarida devor qurilmaydi, faqatgina chegara ustunlari o‘rnatiladi.

Chegarani qo‘riqlash uchun videokameralar hamda uchuvchisiz apparatlardan ham foydalanish rejalashtirilmoqda. Chegarani texnik jihatdan mustahkamlash bo‘yicha ishlar 2018-yilda boshlanadi. Loyihaning umumiy qiymati 71 million yevroga baholangan.