15 yoshli o‘smir AQSh prezidentligiga nomzodini qo‘ymoqchi

AQShning Ayova shtatida yashovchi 15 yoshli Bredi Olson Federal saylov komissiyasi saytida Diz Nats (Deez Nuts) nomi bilan AQSh prezidentligiga nomzod sifatida ro‘yxatdan o‘tdi, deb xabar bermoqda New York Post.

Uning so‘zlariga ko‘ra, keyingi qadam — partiya topish bo‘ladi, masalan, Minnesota mustaqillik partiyasi yoki “Zamonaviy viglar”. Shuningdek, vitse-prezidentni tanlash muhimligini, masalan, MakKabbins tanlansa, byulletenda “Nats/MakKabbins” yozuvi yaxshi ko‘rinishini ma’lum qilgan.

Shuningdek, Federal saylov komissiyasi saytida Prezident Imperator Sezar, Jek Chittak kabi nomlar bilan nomzodlar ro‘yxatdan o‘tgan. Limberbat MakKabbins esa 18 yoshli qizning mushugi bo‘lib, uning do‘sti tomonidan nomzodi taklif etilgan.

Komissiya saytidagi zarur hujjatni istalgan kishi to‘ldirishi mumkin. Hazilomuz arizalar ularga 5000 dollardan ortiq xayriya qilingach muammoga duch keladi — shunda qo‘shimcha tekshiruv o‘tkaziladi va bunday nomzodlar tekshiruvdan o‘tolmaydi. AQSh qonunchiligiga binoan, faqatgina 35 yoshdan oshgan fuqarogina prezident bo‘lishi mumkin.