Toshkentdagi City Makon savdo-ko‘ngilochar markazi ochiq kimoshdi savdosiga qo‘yiladi, deya xabar bermoqda “Anons.uz”.
Majmua qiymati 14,75 milliard so‘mga baholandi, markaz maydoni 92 ming kvadrat metrni tashkil etadi.
Kimoshdi savdosida qatnashish uchun potensial investor obyekt narxining kamida 10 foizini to‘lashi kerak. Auksionga biznesmenlar sud ijrochilari Chilonzor tuman bo‘limi tomonidan taklif qilindi.
City Makon 2012-yil 1-sentabrda ochilgan. Majmuada bolalar uchun ta’lim markazi, savdo markazi, sport maydonchalari, fud-kort, 3D kinoteatrlar va yozgi tomosha maydonchasi bor. Markaz 2013-yil noyabrida noma’lum sabablarga ko‘ra yopilgan.
Izoh (0)