Braziliyaning Salvador shahrida sport kurashlari bo‘yicha yoshlar o‘rtasida o‘tkazilgan jahon chempionati bahslari yakuniga yetdi, deb xabar qiladi O‘zbekiston Milliy olimpiya qo‘mitasi matbuot xizmati.
Bellashuvlarning so‘nggi kunida erkin kurashchilar o‘zaro kurash olib bordi. Afsuski, mazkur musobaqalarda ishtirok etgan o‘zbekistonlik sportchilar sovrinli o‘rinlarni egallay olmadi.
Shu tariqa, o‘zbekistonlik sportchilar yunon-rum kurashi bo‘yicha o‘tkazilgan musobaqalarda Javohir Mirahmedov va Islom Bahromov qo‘lga kiritgan ikkita bronza medali bilan O‘zbekistonga qaytadigan bo‘ldi.
Izoh (0)