Karim Benzema brilliant to‘p sohibiga aylandi

Madridning “Real” futbol klubi hujumchisi Karim Benzema qiymati 250 ming dollarga teng brilliant to‘pni sotib oldi. Bu haqda “Korrespondent.net” xabar bermoqda.

Xabar berishlaricha, futbolchi bu antiqa to‘pni tayyorlash bo‘yicha o‘zining zargar do‘stlari — Deyv Bling va Uill Da Bossga buyurtma bergan.

Qayd etishlaricha, hajmi haqiqiy to‘pnikidek bo‘lgan mazkur buyumni tayyorlash uchun 72 ming dona brilliant kerak bo‘lgan.