Xitoy shimolida joylashgan port shahar Tyanszindagi portlash qurbonlari soni 114 kishiga yetdi, 70 kishi bedarak yo‘qolgan. Bu haqda “TASS” xabar beradi.
Xitoy Markaziy televideniyesining ma’lum qilishicha, 698 kishi mahalliy tibbiy muassasalarda davolanmoqda.
Hozirgi paytgacha 54 nafar halok bo‘lgan kishining shaxsi aniqlandi. Ulardan 39 nafari o‘t o‘chiruvchilar, besh nafari huquqni muhofaza qilish idoralari xodimi va o‘n nafari shahar aholisi ekanligi ma’lum bo‘ldi. Qurbon bo‘lgan kishilardan yana 60 nafarining shaxsi hali aniqlanmagan.
Hodisa joyida qutqaruvchilar va harbiylardan tashqari kimyoviy himoya bo‘yicha mutaxassislardan iborat qo‘shimcha jamoalar ish olib bormoqda.
Izoh (0)