Andijonlik o‘quvchi qiz Venetsiyadagi musiqiy festival sovrindori bo‘ldi

Andijon viloyati Jalaquduq tumanidagi 1-sonli maktabning to‘qqizinchi sinf o‘quvchisi Maftuna Mahmudjonova Venetsiyadagi “Orfey Italiyada” musiqiy festivalida ikkinchi darajali diplomga ega bo‘ldi, deya xabar bermoqda “Turkiston-press”.

Italiyadagi tanlovga yo‘llanmani Maftuna “Rus madaniyati sarchashmalari” xalqaro festivalida qo‘lga kiritgan edi. Moskvada bo‘lib o‘tgan ushbu festivalda yosh qo‘shiqchi Yevropa, Osiyo, MDH mamlakatlari vakillari orasida uchinchi o‘rinni egallagan edi.