Turkiya prezidenti Rajab Toyyib Erdo‘g‘on uning mamlakati oxiri ko‘rinmayotgan hujumlar tufayli kurdlar bilan tinchlik jarayonini ayni paytda davom ettira olmasligini ma’lum qildi. Bu haqda “Korrespondent.net” xabar bermoqda.
“Kurdiston ishchi partiyasi” jangarilarini nazarda tutgan Erdo‘g‘on 28-iyul, seshanba kuni Anqaradagi matbuot anjumanida “Tinchlik jarayonini bizning milliy birdamligimiz va birodarligimizga hujum uyushtirayotganlar bilan amalga oshirib bo‘lmaydi”,– deya ta’kidlab o‘tgan.
Turkiya yetakchisi, shuningdek, NATOni Suriyada IShID, Iroqda esa kurd jangarilari bilan kurashda mamlakatiga yordam berishga tayyor turishga chaqirdi. Erdo‘g‘on Anqara va AQSh vakillari Suriyaning Turkiya bilan chegaralari yaqinida qochoqlar o‘z uylariga qaytishi uchun xavfsizlik hududlari tashkil etish masalasini ham muhokama etayotganini ma’lum qildi.
Izoh (0)