21-iyul kuni Uch tomonlama sheriklarning (Mehnat va aholini ijtimoiy himoya qilish vazirligi, Kasaba uyushmalari federatsiyasi kengashi va Savdo-sanoat palatasi) Xalqaro mehnat tashkiloti bosh direktori maxsus maslahatchisi Kari Tapiola rahbarligidagi XMT delegatsiyasi bilan uchrashuvi bo‘lib o‘tdi. Bu haqda Vazirlik matbuot xizmati ma’lum qildi.
Uchrashuv chog‘ida paxta terimi mavsumida ishchi yollash amaliyoti tekshiruvlarining dastlabki yakunlari hamda ushbu masala bo‘yicha avgust oyida davra suhbati o‘tkazish muhokama qilindi.
2015-yildagi paxta terimi mavsumida bolalar mehnati va majburiy mehnat monitoringini xalqaro kuzatuvchilar ishtirokida olib borish rejalashtirilayotgani ta’kidlandi.
Izoh (0)