Gretsiya fuqarolariga mamlakatdan 2000 yevrodan ko‘p naqd pul olib chiqish taqiqlab qo‘yildi

Gretsiya hukumati fuqarolarga xorijga 2000 yevrodan ko‘p naqd pulni olib chiqishni taqiqlab qo‘ydi, deb xabar bermoqda “Kommersant”. Qayd etilishicha, mamlakatda tegishli qonun kuchga kirgan.

“Xorijga qilinadigan bir safar uchun bir kishi 2000 yevro miqdoridagi naqd pulni yevro yoki xorijiy valyutada olib chiqishiga ruxsat etiladi”, − deyiladi hujjatda. Avval bu ko‘rsatkich 10 ming yevroga teng edi. Cheklov chet elda doimiy yashovchi xorijliklarga amal qilmaydi.

Eslatib o‘tamiz, o‘tgan haftada Yevrohudud mamlakatlari yetakchilari Gretsiya qarz inqirozini hal etish bo‘yicha qarorni bir ovozdan qabul qildi – bu Afinaga yevro hududida qolish imkonini berdi.