Rossiya Tergov qo‘mitasi 2015-yil bahorida Stavropol politsiyasi Grozniyda o‘tkazgan maxsus operatsiyani qonuniy deb topdi, deya xabar bermoqda Meduza. Ushbu operatsiya chog‘ida mahalliy fuqaro Jambulat Dadayev o‘ldirilgan edi.
Dadayev qarindoshlarining advokati ma’lum qilishicha, Rossiya tergov qo‘mitasining Shimoliy Kavkaz federal okrugi bo‘yicha bosh boshqarmasi Grozniydagi hodisaning tergovoldi tekshiruvini yakunlagan.
Tekshiruv natijalariga ko‘ra, Stavropol politsiyachilarining xatti-harakatlari qonuniy deb topildi hamda ularga qarshi vakolat doirasidan chiqish haqida jinoiy ish qo‘zg‘ashdan bosh tortildi.
Dadayev qarindoshlarining advokati jinoiy ish ochishdan bosh tortish haqidagi qarorni o‘rganayotgani va shikoyat arizasi berishga tayyorlanayotganini ma’lum qildi.
Izoh (0)