“O‘zbekfilm” AJda milliy kinematografiya sohasini yanada rivojlantirish masalasiga bag‘ishlab, “O‘zbekkino” Milliy agentligi rahbari Ahmadjon Umarov, jamiyat mas’ul xodimlari hamda taniqli kinoijodkorlar ishtirokida ishchi yig‘ilish bo‘lib o‘tdi. Bu haqda “O‘zbekkino” Milliy agentligi xabar qilmoqda.
Yig‘ilish avvalida O‘zbekiston Respublikasi Vazirlar Mahkamasi Aksiyadorlik jamiyatlari faoliyati samaradorligini oshirish va korporativ boshqaruv tizimini takomillashtirish bo‘yicha Komissiyasi qaroriga muvofiq “O‘zbekkino” Milliy agentligi rahbari Ahmadjon Umarov davlat ulushini boshqarish bo‘yicha “O‘zbekfilm” AJda davlatning ishonchli vakili bo‘lib tasdiqlangani e’lon qilindi.
Shundan so‘ng, “O‘zbekfilm” AJning 2015-yildagi olti oylik faoliyati yakunlari tanqidiy ko‘rib chiqildi, yo‘l qo‘yilgan kamchiliklarni zudlik bilan bartaraf etish bo‘yicha aniq chora-tadbirlar belgilandi.
Yig‘ilishda “2016—2020-yillarda ‘O‘zbekkino’ Milliy agentligi va uning tizimidagi korxona-tashkilotlar faoliyatini yanada takomillashtirish, samaradorligini oshirish hamda ishlab chiqarishni modernizatsiya qilish, texnik va texnologik jihatdan qayta jihozlash” Davlat dasturi loyihasini tayyorlash masalasi ham ko‘rib chiqilib, “O‘zbekfilm” AJ binolari va moddiy-texnik bazasini ekspertizadan o‘tkazish, moliyaviy hujjatlarni to‘liq asoslash, dastur loyihasi uchun takliflarni taqdimot ko‘rinishida muhokamaga kiritish lozimligi ta’kidlab o‘tildi.
Yig‘ilishda “O‘zbekfilm” AJ faoliyatiga doir boshqa masalalar ham ko‘rib chiqildi.
Izoh (0)