O‘rtayer dengizidagi o‘quv mashg‘ulotlari chog‘ida rossiyalik ikki dengizchi halok bo‘ldi

O‘rtayer dengizida may oyida bo‘lib o‘tgan o‘quv mashg‘ulotlari chog‘ida Rossiyaning “Moskva” raketa kreyseri ekipaji a’zolaridan ikki nafari kema bortidan sakrab, halok bo‘ldi. Ulardan birining o‘ligi topildi, xolos. Qora dengiz floti harbiy prokuraturasida dengizchilar o‘limi holati bo‘yicha jinoiy ish ochilgani ma’lum qilindi. Bu haqda markaziy harbiy-dengiz portaliga asoslanib, Meduza xabar bermoqda.

Eslatib o‘tamiz, “Moskva” kreyseri 11—21-may kunlari O‘rtayer dengizida o‘tkazilgan Rossiya—Xitoy harbiy-dengiz o‘quv mashg‘ulotlarida qatnashgan edi.