Gretsiya Yevropa markaziy banki oldidagi defoltdan qutilib qoldi

Yevropa markaziy banki 20-iyul, dushanba kuni Gretsiyadan o‘z vaqtida to‘lovlarni qabul qilib olganini tasdiqladi, deb xabar beradi “Vedomosti.ru”.

YeMB Twitter’dagi rasmiy sahifasi orqali Gretsiya qarzlarini uzganini ma’lum qildi.

Gretsiya 20-iyul kuni Xalqaro valyuta jamg‘armasi oldidagi muddati o‘tgan 1,6 milliard SDR (special drawing rights, maxsus o‘zlashtirish huquqlari) qarz majburiyatlarini yopgandi, bu taxminan 2 milliard yevroga teng keladi.

20-iyul kuni Yevropa komissiyasi XVJ va YeMB oldidagi qarzlarni yopish uchun Afinaga 7,16 milliard yevro miqdorida bridj-kredit (qisqa muddatli yordam krediti) taqdim etgandi.