Monako aholisi 11-iyul, shanba kuni hukmdorlari Alber II ning yetti oylik go‘daklariga Fransiyaning Cartier modalar uyi tomonidan tayyorlangan qimmatbaho ziynat buyumlarini taqdim etdi. Sovg‘alar davlat rahbari taxtga o‘tirganligining 10 yilligi munosabati bilan hadya qilingan, deya xabar bermoqda “TASS”.
“Gap Cartier uyi tomonidan o‘tgan asrning 20-yillarida tayyorlangan qimmatbaho buyumlar haqida ketyapti, — deya izoh berdi Monako meri Jorj Marsan. – Malika Gabriella ‘modern’ yo‘nalishidagi nafis to‘g‘nog‘ichga, shahzoda Jak esa ‘ar-nuvo’ uslubidagi Grande Tank Cintre soatiga ega bo‘ldi”.
Sovg‘alarni Alber II qabul qilib oldi va farzandlari kelgusida sulolaning munosib davomchilari bo‘lishiga ishonch bildirdi.
Izoh (0)