WBA qaroriga ko‘ra, Ruslan Chagayev chempionlik kamarini majburiy da’vogar Okendodan himoya qiladi, deya xabar bermoqda “Olamsport.com”.
Shartnomada o‘zbekistonlik sportchining amerikalik bokschiga revansh jangini taqdim etishi ko‘rsatilgandi. Bu jang g‘olibi esa yana bir majburiy da’vogar avstraliyalik Lukas Braunga qarshi ringga ko‘tariladi. Chagayevning promouteri rossiyalik Timur Dugazayev shu yil oxirigacha har ikki jangni ham tashkil etish istagida ekanligini ma’lum qildi.
Eslatib o‘tamiz, Ruslan Chagayev Germaniyaning Magdeburg shahrida o‘tkazilgan boks kechasida o‘ziga tegishli bo‘lgan super og‘ir vazn toifasi WBA (Regular) chempionlik kamarini italiyalik Franchesko Pyanettani birinchi raunddayoq nokautga uchratib, himoya qilgan edi.
Bu bilan Ruslan o‘tgan yili iyul oyida Grozniyda ochkolar hisobi bo‘yicha amerikalik Fres Okendoni mag‘lub etib, qo‘lga kiritgan chempionlik kamarini ilk bor himoya qildi. Ayni paytda Chagayev hisobida 34 ta g‘alaba (21 ta nokaut), 2 ta mag‘lubiyat va bitta durang bor.
Izoh (0)