Braziliyalik Marin Shveysariya sudida FIFA’dagi korrupsiya ishi bo‘yicha so‘roq qilinadi

Braziliya futbol konfederatsiyasining sobiq prezidenti Xose Mariya Marin 14-iyul, seshanba kuni Xalqaro futbol federatsiyasidagi (FIFA) korrupsiya ishi yuzasidan Shveysariya sudida so‘roq qilinadi. Bu haqda “TASS” xabar beradi.

Marin hibsga olingandan buyon birinchi marta so‘roq qilinadi. Suddagi bu eshitish mansabdorni AQShga ekstraditsiya qilish masalasining birinchi bosqichi hisoblanadi.

Avvalroq Shimoliy va Markaziy Amerika hamda Karib dengizi mamlakatlari futbol konfederatsiyasi (KONKAKAF) sobiq prezidenti Jeffri Uebb AQShga ekstraditsiya qilinishga rozi bo‘lgan edi.