6-iyul, dushanba kuni Filippin hukumati bir kishining Yaqin Sharq respirator sindromi koronavirusi bilan kasallanish holatini tasdiqladi, deb xabar beradi “RIA Novosti”.
19-iyun kuni Dubaydan Filippin poytaxti Manilaga yetib kelgan chet el fuqarosi kasallangan shaxs bo‘lib chiqdi. Virus keltirib chiqaruvchi kasallik alomatlari yuzaga chiqishi bilan u mahalliy kasalxonaga yuborildi.Filippin Sog‘liqni saqlash vazirligining ma’lum qilishicha, bemorning ahvoli yaxshilanmoqda. U bilan aloqada bo‘lganlarni aniqlash tadbirlari o‘tkazildi.