Serbiyalik futbolchi mashg‘ulotlardan so‘ng vafot etdi

Xitoyning “Sindao Xaynyu” jamoasidagi serbiyalik yarim himoyachi Goran Gogich 29 yoshida vafot etdi. U jamoaning mashg‘ulotlaridan so‘ng avtobusda hushidan ketdi, deb xabar beradi “Segodnya.ua”.

Avvalroq Serbiyaning bir nechta jamoalari, jumladan “Srvena Zvezda” va “Yagodina” jamoalarida to‘p surgan Gogichning avtobusda ahvoli og‘irlashdi. Uni kasalxonaga yetkazishdi, u yerda shifokorlar o‘lim holatini qayd etdi.

“Yagodina” tarkibida Gogich 2013-yilda Serbiya Kubogini qo‘lga kiritgan, 2014-yilda esa “Srvena Zvezda” jamoasiga mamlakat chempionatida g‘alaba qozonishiga yordam bergan edi. Gogich 2015-yilda o‘tgan “Sindao”ning 15 ta matchida bitta gol urishga erishgan edi.