Kolumbiya prezidenti Xuan Manuel Santos 2-iyul, payshanba kuni Bogotada yuz bergan teraktlar yuzasidan mamlakat Xavfsizlik kengashini favqulodda yig‘ilishga chaqirdi, deb xabar beradi “TASS”.
Mamlakat ichki ishlar vaziri Xuan Fernando Kristoning so‘zlariga ko‘ra, davlat rahbari Peruga ishchi tashrifini muddatidan oldin to‘xtatgan.
“Prezident yuzaga kelgan vaziyatdan boxabar bo‘lish va xavfsizlik choralariga baho berish uchun Bogotaga juda erta qaytadi”, — dedi Kristo.
2-iyul kuni Bogotada ikkita portlovchi qurilma ishga tushgandi. Natijada 10 kishi jabrlandi. Ularning hayotiga hech narsa xavf solmayapti.
Takroriy teraktlarning oldini olish maqsadida qo‘shimcha 2 ming harbiy shahar ko‘chalarini nazorat qilmoqda. Portlash sodir etganlar haqidagi ma’lumot uchun 100 million peso (40 ming dollar) miqdorida mukofot e’lon qilindi.
Izoh (0)