“Kalashnikov” konserni joriy etilgan sanksiyalar tufayli AQShda AK-47 avtomatlari ishlab chiqarilishiga aloqador emas hamda ishlab chiqarishda yoki uning qismlarini Amerika bozorlariga yetkazib berishda qatnashmayapti. Bu haqda kompaniya matbuot xizmatiga tayanib, “RBK” xabar berdi.
Kompaniyadagilar ta’kidlashicha, bu Kalashnikov avtomatlari Rossiyadan tashqarida yasalayotgan birinchi holat emas. Konsert bunday holga qarshi “yuqori sifatliligi bilan o‘z muqobillaridan farqlanib turuvchi yangi buyumlar ishlab chiqarish orqali” kurashmoqchi.
Avvalroq Amerikaning Kalashnikov USA kompaniyasi AQShda ishlab chiqarilgan Kalashnikov avtomatlari (AK-47 modeli) sotila boshlaganini e’lon qilgan edi.
Kalashnikov USA (avvalgi nomi Russian Weapon Company) “Kalashnikov” mahsulotlarining rasmiy importchisi va distribyuteri hisoblanadi. Biroq 2014-yilda Vashington Rossiyaga qarshi kiritgan sanksiyalar tufayli uning faoliyati xavf ostida qoldi. Yanvar oyida amerikalik qurolsozlar afsonaviy avtomatlarni o‘zlari ishlab chiqarishni boshlashini e’lon qildi.
Izoh (0)