Oqlovchilar 16-iyun, seshanba kuni Qohira sudi tomonidan Misr sobiq prezidenti Muhammad Mursiy va uning safdoshlariga nisbatan chiqarilgan hukmdan norozi bo‘lib shikoyat arizasi bermoqchi, deb yozadi “RIA Novosti”.
Qohira jinoyat sudi 16-iyun kuni 2011-yil yanvarida qamoqxonadan qochish ayblovi bo‘yicha Mursiyga nisbatan o‘lim jazosini tasdiqladi. Sud Mursiy va “Musulmon birodarlar” harakatining yana ikki yetakchisini osish orqali qatl etishga hukm chiqardi. Avvalroq Mursiy xorij razvedkalari foydasiga josuslik qilish ishi bo‘yicha bir umrlik qamoqqa mahkum etilgan edi.
Mursiya himoyachilari vakili Muhammad Shible qonun bilan belgilangan muddat — 60 kun ichida ushbu hukmlar ustidan ariza berishlarini ma’lum qildi.
Izoh (0)