Janubiy Koreyadagi Seul milliy universiteti mutaxassislari insoniyat tarixidagi “eng yassi” yorituvchi uskunani yaratdi, deya xabar bermoqda “Mail.ru”. Unda kremniy chipi va grafen bo‘laklari qo‘llanildi.
Grafenli lampochkaning qalinligi bor-yo‘g‘i bir atomga teng. Olimlar ta’kidlashicha, ularning kashfiyoti shaffof displeylar hamda o‘ta yuqori quvvatga ega isituvchi uskunalar ishlab chiqishda yangi sifatli darajaga chiqish imkonini beradi.
Grafenli lampaning afzalligi shundaki, u yorug‘likni ham, issiqlikni ham ko‘mirli yoki volfram tolali oddiy modellardan ko‘ra 1000 marta samaraliroq ajratadi.
Olimlar endi bunday kichik yorituvchi uskunalarning yonib-o‘chishini tezlashtirish, shuningdek lampochka hajmini yanada ixchamlashtirish ustida ish olib bormoqchi.
Izoh (0)