Qozog‘istonning Pavlodar shahrida yashovchi yigit o‘z sevgilisiga yerdan 800 metr balandlikda turmushga chiqishni taklif qildi, deb xabar beradi “Vesti.ru”.
“Pavlodarda parashyut mavsumi boshlandi, unda 400 dan ortiq kishi ishtirok etdi. Hayotida birinchi marta sakrashni amalga oshirganlar orasida yosh juftlik ham bor edi”, — dedi Pavlodar viloyati parashyut sporti federatsiyasi rahbari Ruslan Feklisov.
Qiz sakrash uchun An-2 samolyoti eshigi yoniga kelganida, yosh yigit uning oldiga tizza cho‘kib turib, guldasta va uzuk hadya qildi. Qiz bunday syurprizdan bexabar bo‘lgan.
Sevgi izhoridan so‘ng yigit ochiq eshik tomon birinchi bo‘lib qadam tashlagan va qizni o‘z ortidan ergashtirgan. Juftlik yerga muvaffaqiyatli qo‘ngan.
Izoh (0)