AQShning Tennessi shtati Neshvill shahri fuqarosi so‘nggi 20 yil ichida jamoat joylarida ichkilikbozlik qilgani uchun deyarli 500 marta hibsga olindi, deya xabar bermoqda CBS News.
So‘nggi, 492-marta Robert Braun 19-may, seshanba kuni shosse chetida pivo ichib o‘tirganida qo‘lga olingan. 46 yoshli erkakning yon atrofida spirtli ichimlikdan bo‘shagan yana beshta bo‘sh shisha bo‘lgan. Biroq bir sutka o‘tib, sud uni hibsdan ozod qilgan.
Okrug prokurori idorasidagilar jurnalistlarga ma’lum qilishicha, ular Braun bilan anchadan buyon tanish (erkak politsiyachilar e’tiboriga ilk bor 1994-yilda tushgan). “Sudlanuvchi deyarli har kuni bitta joyda politsiyachilar uni olib ketgunicha, ichib o‘tiradi”, — dedi prokuror Piter Finnegan.
Tennessi shtati qonuniga ko‘ra, jamoat joylarida alkogol iste’mol qilish qamoq jazosi belgilanadigan jinoyat emas. Buning o‘rniga sudya mahbusga u bunga rozi bo‘lsagina, tibbiy davolanish belgilashi mumkin.
Izoh (0)