Qozog‘istonlik professional bokschi Gennadiy Golovkin 72,6 kg vazn toifasida WBA talqini bo‘yicha jahon chempioni va WBC talqini bo‘yicha “vaqtinchalik” kamarni o‘zida saqlab qoldi. Bu haqda “TASS” xabar bermoqda.
Kaliforniyaning Inglvud shahrida bo‘lib o‘tgan amerikalik Villi Monroga qarshi jangda Golovkin raqibini 6-raundda texnik nokaut bilan mag‘lubiyatga uchratdi.
Shunday qilib, Golovkin WBA talqini bo‘yicha 2010-yildan beri egalik qilib kelayotgan sovrinini 14-marta himoya qildi. U shu vaqtgacha professional ringda mag‘lubiyat nimaligini bilmagan, 33 marta g‘alaba qozongan, g‘alabalarning 30tasi nokaut bilan qo‘lga kiritilgan.
Golovkinning ma’lum qilishicha, u endi taniqli bokschilar – meksikalik Saul Alvares, puerto-rikolik Migel Kotto va amerikalik Andre Uord bilan ringda uchrashishni rejalashtirmoqda.
Izoh (0)