BMT Nepalda 1,4 million kishiga oziq-ovqat bilan yordam ko‘rsatadi

Birlashgan Millatlar Tashkiloti Nepaldagi zilziladan jabr ko‘rgan 1,4 million kishiga yaqin oylar ichida oziq-ovqat yordamini ko‘rsatadi. Bu haqda BMT gumanitar masalalarni muvofiqlashtirish boshqarmasi ma’lum qildi, deb xabar bermoqda “Korrespondent.net”.

Tashkilotning hisobotida aytilishicha, zilziladan mamlakatning 75 tumanidan 39 tasida yashovchi jami 8,1 millionga yaqin aholi jabr ko‘rgan. Yordan yaqin uch oy ichida berilishi qayd etilgan.

Jahon sog‘liqni saqlash tashkiloti dorilar va uskunalar bilan ta’minlangan sakkizta tez tibbiy yordam majmuasini tashkillashtirgan bo‘lib, ular keyingi oylarda 80 ming kishiga yordam ko‘rsatishga mo‘ljallangan. Mamlakatda gumanitar operatsiyalar o‘tkazishga 15 million dollar sarflanadi.