Joriy yilning 1-may kuni Toshkent va Samarqand shaharlarida an’anaviy “Favvoralar sayli” o‘tkaziladi, deya xabar bermoqda “Kamolot” yoshlar ijtimoiy harakati rasmiy sayti.

Tadbir “Kamolot” yoshlar ijtimoiy harakati, Madaniyat va sport ishlari vazirligi, Respublika ma’naviyat targ‘ibot markazi bilan hamkorlikda olib boriladi.

Bu borada O‘zbekiston Respublikasi Vazirlar Mahkamasi 2015-yil 23-aprel kuni “Toshkent va Samarqand shaharlarida joriy yil 1-may kuni ‘Favvoralar sayli’ni yuqori saviyada o‘tkazish chora-tadbirlari to‘g‘risida”gi bayoni tasdiqlandi.

Bayonda qayd etilishicha, mazkur saylda Toshkent va Samarqand shaharlaridagi har bir favvora oldida, ayniqsa, musiqali favvoralar yonida madaniy tadbirlar, san’atkorlar, yozuvchi va shoirlar, kino va teatr aktyorlarining yoshlar bilan uchrashuvlari o‘tkazilishi belgilangan.

Eslatib o‘tamiz, “Favvoralar sayli” bu yil ikkinchi marta tashkil etilmoqda.