Qo‘qon shahrining Baqachorsu tumanida joylashgan avtomobillarni gaz bilan to‘ldirish shoxobchasida 24 aprel, juma kuni kech oqshomda kuchli portlash ro‘y berdi. Bu haqda “Gazeta.uz” xabar bermoqda.
Portlash natijasida yong‘in kelib chiqqan va ko‘p o‘tmay ikkinchi portlash ham yuz bergan. Hodisa tasvirlangan ko‘plab foto va videolar ijtimoiy tarmoqlarda tarqalib ketgan.
Hodisa joyidan olingan videolarda tezkor-qutqaruv xizmatlarining sirenalari va odamlarning baqir-chaqir ovozlarini eshitish mumkin. Hodisa natijasida jabrlanganlar bor, biroq ularning aniq soni ma’lum emas.
Qo‘qondagi portlash yuzasidan davlat organlari hozircha rasmiy axborot berganicha yo‘q.