Olma-Otada qurilayotgan ko‘prik buzilib ketdi

Olma-Otadagi Risqulov va Sain ko‘chalari kesishmasida qurilayotgan ko‘prik buzilib ketdi. Bu haqda Tengrinews.kz xabar bermoqda.

Dastlabki ma’lumotlarga ko‘ra, qutqaruvchilar vayronalar ostida qolib ketgani taxmin qilinayotgan besh kishini qidirishmoqda, yana 19 kishi tan jarohati olgani aytilmoqda.

Qurilishda 50-55 kishi band bo‘lgan. Hodisa joyiga qutqaruv xizmatining uchta, shuningdek, hududiy tezkor-qidiruv otryadining barcha xizmatlari yetib kelgan.

Mahalliy aholining so‘zlariga ko‘ra, qurilayotgan ko‘prik mahalliy vaqt bilan 12:30da buzilib ketgan. Ular baland qarsillash va shovqinni eshitganlaridan so‘ng, ko‘chaga yugurib chiqishgan.

Tengrinews.kz muxbirining ma’lum qilishicha, hodisa joyida 10ta o‘t o‘chirish bo‘linmasi, politsiya, maxsus xizmat jangchilari bor. Qurilayotgan ko‘prik Risqulov shohko‘chasini Sharqiy aylanma yo‘l bilan bog‘lashi kerak edi.

Hozirgi vaqtda baxtsiz hodisa joyida qurilish ishlarini olib borgan kompaniya shaxsiy tarkibi ustidan tekshiruv boshlangan. Ko‘prikning buzilishda davom etishi xavfi hali ham mavjud.

Olma-Ota shahar akimati (hokimligi)dan ma’lum qilishlaricha, ko‘prik “Bazis” pudratchi-kompaniyasi tomonidan qurilayotgan edi.