Qozog‘iston prezidenti Nursulton Nazarboyev Ostonaga tashrif buyurgan Turkiya prezidenti Rajab Toyyib Erdo‘g‘an bilan uchrashuv chog‘ida Turkiyani Qozog‘istonning eng yaqin hamkorlaridan biri ekanligini e’tirof etdi, deb xabar bermoqda “Newskaz.ru”.
“Shubhasiz ushbu tashrif ham Qozog‘iston−Turkiya munosabatlarida chuqur iz qoldiradi. Turkiya Qozog‘istonning eng yaqin va ishonchli sheriklaridan biridir. Mamlakatlarimizning umumiy tarix, til va ma’naviy boylikka asoslangan munosabatlari yaxshi o‘sish sur’atlari bilan ajralib turadi”, − dedi Nazarboyev.
Prezidentlar Ostonada Qozog‘iston va Turkiya o‘rtasidagi yuqori darajadagi strategik hamkorlik kengashining ikkinchi majlisida ishtirok etdi. Majlisda “Yangi sinergiya” qo‘shma iqtisodiy dasturini amalga oshirishning asosiy yo‘nalishlari muhokama qilindi.
Izoh (0)