Xalqaro valyuta jamg‘armasi rahbariyati Qirg‘iziston uchun yangi uch yillik kredit dasturini tasdiqladi deya xabar bermoqda “TASS”. Kredit miqdori 92,4 million dollarga teng.
XVJ matbuot xizmati xabar berganidek, Qirg‘izistonga 13,2 million dollar miqdoridagi dastlabki yordam kechiktirmasdan, kreditning qolgan qismi esa, dastur amal qilish muddati davomida bosqichma-bosqich taqdim etiladi.
Qirg‘izistonning XVJ bilan samarali hamkorligi natijasida respublika YaIM o‘sish darajasi 2014-yilda 3,6 foizni tashkil etgan bo‘lsa, 2015-yil uchun 1,7 foizlik o‘sish taxmin qilinmoqda.
“Hududlardagi noqulay iqtisodiy sharoitning makroiqtisodiyotga ta’siri, davlat qarzlarining yuqori darajada ekanligi, Yevroosiyo iqtisodiy ittifoqiga o‘tish davridagi qiyinchiliklar, oltinga va pul o‘tkazmalari hamda chet el yordamiga nisbatan qaramlik – hal qilinishi lozim bo‘lgan asosiy muammolar jumlasidandir”, – deya o‘z fikrini ma’lum qildi jamg‘armaning boshqaruvchi-direktori o‘rinbosari Min Chju. Uning so‘zlariga ko‘ra, ushbu yordam mamlakat qarzdorligi va byudjet barqarorligi muammolarini hal qilishda ko‘mak bermog‘i lozim.
Izoh (0)