Olimlar ism haqiqatan ham kishining taqdiriga ta’sir o‘tkazishini isbotladi

Insonga tug‘ilganida berilgan ism uning taqdiriga ta’sir qilishi mumkin. Bu fantastika ham, mistika ham emas, balki mutaxassislar tomonidan “yashirin xudbinlik” deb atalgan ruhiy fenomendir, deb yozadi “Segodnya.ua”.

Olimlar aniqlik kiritishicha, biz umrimiz davomida o‘z ismimizni boshqa har qanday so‘zga nisbatan ko‘proq eshitamiz va yozamiz. Natijada odamlar ismga “hamohanglikda” harakat qila boshlaydi, ya’ni nomlarida o‘z ismlarida mavjud harflarga ega bo‘lgan buyumlar, shaharlar va hatto kasblarni tanlaydi.

Ruhshunoslar Filipp ismli kishilar Filadelfiyada yashashni istashi yoki Deniz va Denis ismlari esa dantistlar orasida ko‘p uchrashini misol qilib keltirdi.

“Yashirin xudbinlik” namoyon bo‘lishini mutaxassislar quyidagicha tushuntirib berdi: ko‘pchilik odamlarda ijobiy narsalar bilan bog‘liq shaxsiy tushunchalari bo‘ladi. Shu tushunchalarga aloqador har qanday narsa, hattoki bu shunchaki fonetik o‘xshashlik bo‘lsa-da, ularga ijobiy bo‘lib tuyuladi.