Tengening real almashuv kursi yuqori baholangan, Qozog‘iston nominal kursni 30 foizga pasaytirishiga to‘g‘ri keladi. Bu haqda Bank of America’ning Merrill Lynch bo‘limi tahlilchilari aytib o‘tdi, deb yozadi “Vedomosti”.
Bunga Rossiya bilan savdo sharoitlarining yomonlashuviga olib kelgan rubl devalvatsiyasi va neft narxining tushib ketgani sabab bo‘lgan.
Bank hisob-kitoblariga ko‘ra, yil oxiriga kelib, Qozog‘iston valyutasi kursi bir dollar uchun 250 tengega tushib ketadi (hozir 185,65 tenge). Hisobotda qayd etilishicha, siyosiy beqarorlikka yo‘l qo‘ymaslik maqsadida hukumat devalvatsiyani 26-aprelga belgilangan prezidentlik saylovlaridan keyingina o‘tkazishi mumkin.
Izoh (0)