AQSh Milliy xavfsizlik agentligi va Markaziy razvedka boshqarmasi sobiq xodimi Edvard Snouden byusti Nyu-Yorkdagi Fort-Grin bog‘iga o‘rnatildi, deya xabar bermoqda “Korrespondent.net” New York Daily News gazetasiga tayanib.
Nashr ma’lum qilishicha, taxminan 40 kg og‘irlikdagi byust AQSh mustaqilligi uchun kurash yillarida halok bo‘lganlar xotirasiga qo‘yilgan ustunga o‘rnatilgan.
Ushbu aksiyaga tashabbuskorlik qilgan haykaltaroshlar fikricha, Snoudenning xatti-harakatlari AQSh mustaqilligi yo‘lida qurbon bo‘lganlar maslagiga mos tushadi.
Uch haykaltarosh bir yil davomida yaratgan installyatsiya bog‘da uzoq turmadi, u noqonuniy ravishda o‘rnatilgan deb e’lon qilindi va olib tashlandi. Nyu-York politsiyasi uning o‘rnatilishi yuzasidan tergov ishi boshladi.
Izoh (0)