Joriy yilning 27-29-mart kunlari Favqulodda vaziyatlar, Ichki ishlar vazirliklari, Uzavtoyo‘l, Ohangaron tuman hokimligi va boshqa tegishli tashkilotlar hamkorligida Toshkent viloyatining Ohangaron tumanida daryo va soylarning qirg‘oqlarini mustahkamlash va o‘zanlarini tozalash bo‘yicha bir qator muhandislik-texnik va boshqa himoya tadbirlari amalga oshirildi. Bu haqda FVV Matbuot xizmati xabar bermoqda.
Bu tadbirlarda tuman aholisi ham faol ishtirok etdi. Jumladan, tumanning “Susam” MFY hududidan oqib o‘tuvchi “Go‘shtsoy” qirg‘oqlarini mustahkamlashda 1875 metr kub tosh-shag‘al ishlari, shuningdek, Qorasuv qishlog‘i hududidan oqib o‘tuvchi “Kandirsoyning” o‘zanini tozalash va qirg‘og‘ini mustahkamlash maqsadida 200 metr kub tosh-shag‘al ishlari amalga oshirilib, 40 metr uzunlikdagi o‘zan tozalandi. Tumandagi “Angren-Telov-Olmaliq” yo‘lining 27 kilometridagi “Abjazsoy” o‘zani ham tozalanib, 130 mert kub tosh-shag‘al ishlari bajarildi.
Ushbu tadbirlardan ko‘zlangan asosiy maqsad, bahor mavsumida sel va suv toshqinlarini betalofat o‘tkazib yuborishdan iborat.
Hozirda tadbirlar davom etmoqda.
Izoh (0)