Tinch okeanida kuzatilgan “Pem” sikloni oqibatida Vanuatuda 16 kishi halok bo‘ldi. Bu haqda BMTning Gumanitar masalalarni muvofiqlashtiruvchi boshqarmasi ma’lum qildi, deb xabar bermoqda “TASS”.

Bungacha 11 kishi halok bo‘lgani xabar berilgan edi, Vanuatuning olis orollaridagi vaziyat oydinlashgach, qurbonlarning soni yanada oshishi mumkin.

Vanuatu hukumatining ma’lumotlariga ko‘ra, to‘fon oqibatida ushbu mamlakatdagi uylarning 90 foizini buzilib, deyarli hamma qishloq xo‘jaligi hosili yo‘qolishiga sabab bo‘lgan. Bosh vazir Jo Natuman xalqaro hamjamiyatdan mamlakatga yordam ko‘rsatishni so‘ragan.