Kim Chen In Il-62 qit’alararo reaktiv samolyotda uchishi ma’lum bo‘ldi (foto)

Ekspertlar KXDR yetakchisi Kim Chen In ishlab chiqarilishi Sobiq Ittifoq davridayoq boshlanib, sotsialistik mamlakatlarga ko‘plab yetkazib berilgan Il-62 qit’alararo reaktiv yo‘lovchi samolyotidan foydalanadi, degan xulosaga keldi, deb xabar bermoqda “Argumenti i fakti”.

Yaqinda tarixda ilk marta Kim Chen Inning shaxsiy samolyoti ichki ko‘rinishining suratlari paydo bo‘ldi. Ular KXDR rahbari Pxenyanda qurilayotgan yirik ilmiy markadagi ishlarning borishini osmondan kuzatish uchun qilgan parvozi vaqtida suratga olingan.

Rossiya prezidenti Vladimir Putin tomonidan Ikkinchi Jahon urushidagi g‘alabaning 70 yilligi munosabati bilan uyushtiriladigan tantanalarga taklif qilingan Kim Chen In Moskvaga ham aynan shu samolyotda kelishi kutilmoqda.