Barselonada davom etayotgan Mobile World Congress doirasidagi matbuot anjumanida HTC kompaniyasi Valve bilan hamkorlikda ishlab chiqilgan Vive virtual reallik ko‘zoynagini taqdim etdi, deb xabar bermoqda “Tjournal.ru”.

Joriy yilning oxirigacha sotuvga chiqariladigan qurilma nafaqat komyuter o‘yinlariga, balki HBO, Lionsgate va Google kabi kompaniyalarning o‘zgacha kontentlari uchun ham mo‘ljallangan. Qurilmaning dasturchilar uchun versiyasi esa bahordayoq chiqarilishi ma’lum qilingan.

https://www.youtube.com/watch?v=eTITJSSRUso

Ikkala kompaniya vakillarining ta’kidlashicha, raqobatchilari Sony va Oculus’dan farqli ravishda ularning qurilmalari tayyor bo‘lib ulgurgan. Bundan tashqari, qurilma 5 ga 5 metr kattalikdagi boshqaruv maydoniga ega tizim bilan birgalikda chiqariladi.